Epargne إدخار ولا
تخمم لقدام و تحب تخبي فلوس باش تقوي منحة (retraite) التقاعد متاعك
والا تخمم على قراية ولدك وتحب تأمنلو مستقبلو بالتفتوفة بالتفتوفة بش ميجيكش مصروف كبير فرد ضربة
Segurta épargne أنواع تأمين الإدخار ولا
الإدخار الفردي
Epargne Individuel
مفماش كان البنك وإلا المخدة تخبي تحتها فلوسك, تنجم بالسيڨورتا إدخار تلم فلوس بالشوية بالشوية و باللي تقدر. من جهة تربح إنو فلوسك باش تخدمهالك السيڨورتا و زادة تنقصلك الضرايب اللي تخلص فيهم للحاكم
تنجم في أي وقت تاخذ فلوسك و تبطل الادخار أما راك باش تخسر الربح فالضرايب كان مفتش 5 سنين كيما زادة تنجم تاخذ تسبقة على الادخار متاعك مبعد ترجعها للسيڨورتا و تزيد تخلص عليها أنتريس و كيف يجي الوقت تاخذ فلوسك كيما تفاهمت مع شركة التأمين متاعك من الأول
زيد في روتراتك
Complément retraire
شديت خدمة ؟ أيا مبروك ! من توة تنجم تحسن التقاعد متاعك بالسيڨورتا هذي. الفلوس تتقصلك كل شهر و تتخبى عند شركة التأمين متاعك يخدمهملك و كيف توصل للتقاعد تنجم تستنفع باللي لميتو في مسيرتك المهنية مع شهرية التقاعد العادية متاعك حتى إذا لا قدر الله صارتلك حادثة خلتك معادش تنجم تخدم تبقى تتمتع بالفلوس كاينك ماصرلك شي. إذا حبيت تجبد فلوسك، تبدل شركة التأمين و إلا تحب تردها إدخار عادي تنجم حسب الشروط إلي تفاهمت فيهم مع السيڨورتا متاعك
حق القراية
Bourse d'étude
الكلنا متفاهمين إنو مصاريف الجامعة برشة، و إنو الوقت يجري. اليوم ولدك في الروضة غدوة تلقاه خذا الباك وقاصد ربي للجامعة. السيڨورتا إدخار هذي تعاونك تبدا تلم على بكري فلوس تعليم صغارك باش مبعد متلقاش روحك قدام جبل متاع مصروف
المبدأ متاعها ساهل، تصب كل فترة مبلغ على حسب ماتفاهمت فيه مع شركة التأمين وكيف يوصل صغيرك للجامعة، لاسيرونص تعطيك مبلغ تخلص بيه قراية ولدك. لا قدر الله والولي فارق عايلتو شركة التأمين تواصل في الإدخار وتضمن المبلغ متاع تمويل القراية للصغير
تنجم في أي وقت تاخذ فلوسك و تبطل الادخار أما راك باش تخسر شوية من المبلغ اللي لميتو و الربح فالضرايب كان مفتش 5 سنين
