الناس اللي عندهم شركة، معمل كبير وإلا صغير، حاللين مشروع وإلا حتى محل صغير يخدمو فيه معرضين لبرشة أخطار كيما الحريق و السرقة اللي تهدد مورد رزقهم ورزق الخدامة متاعهم. هذاك علاش السيڨورتا هذي معمولة باش الخدمة ماتقفش وصاحب المشروع، مهما كان كبير وإلا صغير، يخدم مطمان
Les garanties الضمانات
Responsabilité Civile المسؤلية المدنية
بحكم خدمتك كحرفي، صاحب مهنة حرة أو مؤسسة تنجم تلقى روحك مطالب باش تعوض لأشخاص إنت تسببتلهم في ضرر بحكم ممارسة الخدمة في حد ذاتها مثلاً كليون صارلو تسمم من الماكلة اللي تبيع فيها. أو تسببتلهم في ضرر بحكم النشاط اليومي متاع المحل متاعك مثلاً فورنيسور زلق طاح في الشركة متاعك أو إنت صنايعي وجيت خارج من دار الكليون دخلت في حاجة كسرتها. بالسيڨورتا هذي شركة التأمين تولي تعوض في بلاصتك
Defense et Recours الدفاع والرجوع
المؤمن متاعك يدافع عليك قدام المحكمة إذا تسببت في ضرر لغيرك و شكى بيك
Dégâts Des Eaux اضرار المياه
الفويت متاع الماء من الجعب و إلا من المطر ينجم يسبب برشة اضرار ليك و لجيرانك هذاك علاش سيڨورتا هذي تغطيلك تكاليف متع الأضرار حسب لكونترا متاعك
Vol السرقة
إذا محلك تخلع و إلا فما شكون حاول يدخل بالعنف و يسرقك, شركة التأمين ترجعلك قيمة المسروق إلي أعلمت عليه من الأول
Incendie حريق
إذا محلك تحرق, دبوزة الغاز طرشقت و إلا صارت كارثة طبيعية، سيڨورتا هذي تعوض لك الاضرار لي مسولك البنية واللي موجود فيها من سلعة وماكينات
Perte d'éxploitation خسارة الدخل
لاقدر صارلك حادث من الحوادث اللي يحميك منهم تأمين الأخطار المتعددة و وقفلك الخدمة لفترة معينة، باش تلقى روحك تخسر في مرشيات و قاعد تخلص في الخدامة و مصاريف أخرى و الإنتاج واقف.
بالسيڨورتا هاذي شركة التأمين تعوضلك كل ماهو خسارة بسبب تعطيل الخدمة و تخليك في وضعية مادية عبارة الإنتاج موش واقف على طول المدة إلي متفاهمين عليها فالكونترا متاع لاسيرونص.
السيڨورتا هذي مهمة برشة خاطر تحافظ على التوازن المالي متاع المشروع في الأوقات الصعيبة. الضمان ما يتعطاش ديراكت مع تأمين الأخطار المتعددة هاذاك علاش لازم تطلبها وحدك من عند لاسيرونص متاعك.
Grele ou vent تبروري و الريح
كان محلك تضر بالريح لقوية ولا بالتبروري، السيڨورتا تعوضلك الأضرار اللي صارو
Bris de glace
سيڨورتا هذي تعوضلك إذا البلار متع باب، موبل وإلا شباك في محلك تكسر، رد بالك البورت فوناتر مايدخلش في الضمان
Privation de jouissance الحرمان من التمتع
كان محلك معادش يخدم جملة بسبب حاجة ملي قلناهم الفوق، السيڨورتا هذي تخلصلك شوية وإلا حق الكراء الكل حتى لين محلك يتصلح و يولي يخدم
Privation de jouissance الحرمان من التمتع
كان محلك معادش يخدم جملة جراير حاجة ملي قلناهم لفوق , سيڨورتا هذي تخلصلك بارتي ولا حق الكرا حتى محلك يتصلح
