Décés سيڨورتا وفاة ولا
سيڨورتا هذي حساسة شوية خاصةً في مجتمعنا، خاطرنا نهربو من حكاية الموت و نقول شبيك تفول أما فالحقيقة هي من أكثر الأنواع متاع التأمين اللي تنجم تعمل فارق بالباهي في حياتنا و تعاون بمأنو شركة التأمين تعوض للورثة متاع اللي عامل السيڨورتا هذي كان لا قدر الله و ربي حبوا خاصة إذا كان بو عايلة. الفلوس ماهيش باش تنجم تعوض قيمة عبد عزيز فارقنا أما تنجم تخفف شوية من هم الدنيا على عايلتو في غيابو
أنواع سيڨورتا وفاة وإلا
Segurta décès
سيڨورتا عادية عالوفاة
Segurta décès
أول حاجة لازم نعرفوها اللي فما ثلاثة أطراف متداخلة في لاسيرونص هذي اللي هوما
المؤمن عليه: هو اللي عاملين السيڨورتا على حياتو باش لا قدر الله كان ربي حبوا شركة التأمين تولي تخلص المستفيد اللي حطيناه كيف جينا نعملو في لاسيرونص من الأول.
المستفيد: هو الشخص و إلا مجموعة الأشخاص اللي باش ياخذو فلوس التعويض في حالة وفاة المؤمن عليه.
المكتتب: هو الشخص اللي دفع حق السيڨورتا وصحح في عقد التأمين. ينجم يكون هو بيدو المؤمن عليه كيما ينجم يكون حد آخر و هو زادة اللي يختار المستفيد مثلاً الورثة وإلا أي شخص أو مجموعة أشخاص محطوتين في الكونترا متاع لاسيرونص.
حاجة أخرى مهمة ، السيڨورتا هذي ترجع زادة في حالة العجز المطلق اللي هو السقوط الكبير في بدن المؤمن عليه اللي معادش يتداوى اللطف علينا
سيڨورتا وفاة على قرض
Segurta emprunteur
النوع هذا من لاسيرونص يخدم بنفس الطريقة متاع سيڨورتا على الوفاة. في حالة المؤمن عليه يفارقنا، العجز المطلق أو فقدان القدرة على الخدمة لفترة من الزمن، شركة التأمين في عوض متعوض للورثة، تولي تعوض للبنك المبلغ اللي بقى من القرض مازال ما خلصش بحكم هو المستفيد. هذاكا علاه البنوك تفرض عليك السيڨورتا هذي باش تضمن فلوسها من جهة و باش الورثة مايقعدوش يخمو في خلاص القرض في الحالة النفسية الصعيبة اللي عايشينها.
