تأمين سكن
Multi-Risques Habitation
إذا دارك تحرقت لا قدر الله , دبوزة الغاز ترشقت ولا صارت كارثة طبيعية سيڨورتا هذي تعوضلك الضرر اللي مسلك الدار و لي موجود فيها
Les garanties الضمانات
Responsabilité Civile familale المسؤلية المدنية العائلية
صغيرك, كلبك, إلي يخدموا عندك و إلا حتى إنت تنجمو تسبوا أضرار للغير و بالسيڨورتا هذي المتضرر ياخذ تعويض
Defense et Recours الدفاع والرجوع
المؤمن متاعك يدافع عليك قدام المحكمة إذا تسببت في ضرر لغيرك و شكى بيك
Dégâts Des Eaux اضرار المياه
الفويت متاع الماء من الجعب و إلا من المطر ينجم يسبب برشة اضرار ليك و لجيرانك هذاك علاش سيڨورتا هذي تغطيلك مصاريف التصليح
Vol السرقة
إذا دارك تخلعت و إلا فما شكون حاول يدخل بالعنف لدارك و يسرقك, شركة التأمين ترجعلك قيمة المسروق إلي أعلمت عليه من الأول
Incendie حريق
إذا دارك تحرقت, دبوزة الغاز طرشقت و إلا صارت كارثة طبيعية، سيڨورتا هذي تعوض لك الاضرار لي مسولك الدار واللي موجود فيها
sejours voyage في حالة سفر
كان مشيت لبلاصة أخرى و إلا مشيت تصيف دبشك إلي تهزوا معاك مأمن زادة بالسيڨورتا هذي إذا تحرق و إلا تضر بكارثة طبيعية
Grele ou vent تبروري و الريح
كان دارك تضرت بالريح لقوية ولا بالتبروري سيڨورتا تعوضلك لفلوس لي باش تخلصهم
Bris de glace
سيڨورتا هذي تعوضلك إذا البلار متع باب ، موبل ولا شباك في دارك تكسر، رد بالك البورت فوناتر ماهوش مكوفري
Privation de jouissance الحرمان من التمتع
كان دارك معادش تسكن جملة جراير حاجة ملي قلناهم لفوق, سيڨورتا هذي تخلصلك بارتي ولا حق الكرا حتى دارك تتصلح
Perte de loyer خسارة الكراء
إنت ملاك و دارك تحرقت ولا صار ضرر معادش تخلي الكاري يسكن و يخلص الكراء , سيڨورتا هذي تخلصلك حق الكراء حتى تتصلح دارك
Risque locatif خطر الكراء
إنت ملاك و لكاري تسببلك في حريقة ولا فويت, سيڨورتا هذي تخلصلك لضرر اللي وقع للدار
