فما ضمان بركة متع سيڨورتا تنجم تعملو للموطور، اللي هو المسؤلية المدنية. خاطر كما نعرفو الموطور معرضة أكثر للخطر مقارنةً بالكرهبة وتتسبب في برشة حوادث، كان شركة التأمين تبيع الضمان هذا بالسوم لي يتكلف عليها حتى حد ما يعملوا خاطروا يجي غالي برشة. هذاك علاه الحاكم هو اللي فارض تسعيرة متع سيڨورتا  هذي بش تتلائم مع حق لموطور و مستوى المعيشة ، حاجة كما الدعم متع الخبز.

باهي شنية بالضبط المسؤلية المدنية، هي ضمان تعملوا بش تعوض لضحايا حادث المرور اللي تتسبب فيه لاقدر الله خاصة كان فيه إصابات اللطف، هنا المتسبب في الحادث يلقى روحو مطالب بش يخلص lلملاين. بالضمان هذا، تولي شركة التأمين هي اللي تخلص في بلاصتك التعويض.