مرشي التأمين

كل واحد فينا يعيش بطريقة و ماناش لكل معرضين لنفس المخاطر على هاذاكة مانجموش كلنا نحميو رواحنا بنفس الطريقة. مع بعضنا نفهمو أنواع التأمين و هكاكة تختار سيڨورتا لي تمشي معاك

Les intervenants المتدخلين فالحكاية

شركات التأمين

شركات خاصة ولا تعاونية خدمتها انها تعوض حرفائها إذا صارلهم ضرر حسب سيڨورتا متاعهم

وكلاء التأمين

يمثلوا شركات التأمين و يبيعوا سيڨورتا متاعهم

وسطاء التأمين

هو سمسار بيناتك و بين شركات التأمين و يعاونوا الحريف بش يلقى سيڨورتا لي تناسبوا و يجيبولو أحسن أوفير

المؤسسات المالية

يبيعوا أنواع معينة متع سيڨورتا كيما سيڨورتا لي مع القرض فالبنكا

FTUSA الجامعة التونسية لشركات التأمين

هيا إلي تمثل شركات التأمين و تنظم المهنة متاع تأمين و هي لي تبعثك للشركة لي باش تعمل عندها سيڨورتا موتورات و زادة لي تحل لمشاكل لي بين شركات التأمين و بالاخص سيڨورتا كراهب